१२ असार, काठमाण्डौं ।
नेकपा एमालेका
अध्यक्ष झलनाथ खनालले रियोबाट ल्याएको कुनै सुचना वा बलले नेपालमा काम
नगर्ने भन्दै त्यसको हेक्का राख्न प्रधानमन्त्री डा वावुराम भट्टराईलाई
सुझाव दिनु भएको छ । विपक्षी दललाई बाल हठको संज्ञा दिएकोप्रति व्यङ्ग्य
गर्दै खनालले कमचलाउ प्रधानमन्त्रीले सरकारलाई टिकाउन खोज्नु नै बाल हठ
भएको आरोप लगाउनुभयो । प्रधानमन्त्री डा वावुराम भट्टराईले विपक्षी
दलहरुलाई बाल हठको संज्ञा दिएको भोलीपल्ट अध्यक्ष खनालले यस्तो आरोप
लगाउनुभएको हो ।
शिक्षण अस्पतालमा उपचाररत काँग्रेसका
उपसभापति रामचन्द्र पौडेलको स्वास्थ्य अबस्थाका बारेमा मंगलवार जानकारी
लिएर र्फकने क्रममा पत्रकारहरुसंग कुराकानी पूर्वप्रधानमन्त्री समेत रहेका
खनालले मुलुक गम्भीर राजनैतिक र संबैधानीक संकटमा परेको बेला राष्ट्रिय
सहमति वनाउनु पर्नेमा कामचलाउ प्रधानमन्त्री आफैले बाल हठ प्रर्दशन गरी
बद्नाम हुने काम गरेको खनालको भनाई छ । खनालले राष्ट्रिय सहमतिका लागि
तत्काल मार्गप्रशस्त गर्न प्रधानमन्त्री भट्टराईलाई आग्रह समेत गर्नु भयो ।
सो भेटको क्रममा अध्यक्ष खनाल र उपसभापती
पौडेल बिच मुलुकलाई बर्तमान संकटबाट निकाश दिने बिषयमा संक्षिप्त कुराकानी
भएको थियो । भेटमा अध्यक्ष खनालले पौडेलेको शिघ्र स्वास्थ्य लाभको कामना
गर्नुभएको उहाँका स्वकीय सचिब रामबाबु अधिकारीले जानकारी दिनुभयो ।
No comments:
Post a Comment