१९ फागुन, दाङ ।
प्रहरीले दाङको घोराहीबाट बम बनाउन प्रयोग गर्ने विभिन्न सामग्रीसहित एक युवकलाई पक्राउ गरेको छ ।
पक्राउ पर्नेमा रोल्पाको ओत गाविस-३ का जसराम बुढा रहेको प्रहरीले जनाएको छ । जिल्ला प्रहरी कार्यालय दाङका प्रमुख प्रहरी उपरीक्षक गणेश ऐरले पक्राउ परेका युवाकको साथबाट बम बनाउन प्रयाग गरिने डेटोनेटर, जिलेटिन र फ्युजवायर बरामद गरिएको अनलाइनखबरलाई जानकारी दिनुभयो । झोलामा शंकास्पकद बस्तु बोकेर हिँडेको आशंकामा प्रहरीले खानतलासी गर्दा उनको साथबाट ती सामग्री फेला परेको ऐरले बताउनुभयो । स्रोतका अनुसार पक्राउ परेका बुढा पूर्वमाओवादी कार्यकर्ता हुन् ।
उपरीक्षक ऐरले भने उनको माओवादीसँग सम्वद्धता भए/नभएकोबारे स्पष्ट नभएको बताउनुभयो । ‘उनको माओवादीसँग सम्बन्ध छ/छैन भन्ने अहिल्यै भन्न सकिन्न’, ऐरले भन्नुभयो, छानबिन भइरहेको छ ।
No comments:
Post a Comment