२२ माघ, विराटनगर । नेपाली काँग्रेसका सभापति सुशिल कोइरालाले शान्ति प्रक्रिया निष्कर्शमा नपुगेसम्म काँग्रेसले सरकारको नेतृत्व नगर्ने वताउनु भएको छ । कोइरालाले काँग्रेसले सरकारलाई भन्दा शान्ति प्रक्रिया र संविधान निर्माणलाई जोड दिइरहेकाले शान्ति प्रक्रिया नटुंगीएसम्म सरकारको नेतृत्व नसम्हाल्ने स्पष्ट पार्नु भयो ।
मोरङको विराटनगर विमानस्थलमा आइतवार विहान पत्रकारहरुसंग कुराकानी गर्दै कोइरालाले शान्ति प्रक्रिया टुंगिएपछिमात्रै सरकार निर्माणका लागी पार्टीमा छलफल हुने वताउनु भयो । सभापति कोइराललाले जनयुद्धका वेला तत्कालिन माओवादी जनसत्ताले गरेका निर्णयलाई बैधानिकता दिने सरकारको निर्णय खारेज नभएसम्म संसद अवरुद्ध जारी रहने वताउनु भयो ।
जनसत्ताको निर्णय सर्वोच्च अदालतले रोक्न आदेश दिएकाले मन्त्री परिषदवाट गरिएको निर्णय तत्काल खारेज गर्न आग्रह गर्नु भयो । कोइरालाले काँग्रेस लडाकुको दर्जा निर्धारणका विषयमा लचिलो हुने भन्दै शान्ति प्रक्रियालाई टुंगाउन कुनै प्रकारको अबरोध खडा नगर्न माओवादीलाई आग्रह समेत गर्नु भयो ।
No comments:
Post a Comment