गाउँलेको प्रतिकारमा डाँकाको मृत्यु

९ माघ, बर्दिवास ।

 गएराति गाउँलेको प्रतिकारमा डाँकाको मृत्यु भएको छ भने दुई घाइते भएका छन् । स्थानीय महदैया तपनपुर- ५ स्थित राध्यान यादव र दिनेश यादवको घरमा डकैती गर्न गएकामध्ये करिब २५ वर्षीय नाम नखुलेका एक डाकाको गाउँलेको प्रतिकारमा मृत्यु भएको हो ।

घटनामा धनुषा देवडिया- ४ का ४५ वर्षीय रामएकवाल पासवान र ४० वषर्ीय जयप्रकाश पासवान गम्भीर घाइते भएका छन् । उनीहरूको जनकपुर अञ्चल अस्पतालमा उपचार भइरहेको जिल्ला प्रहरी कार्यालय महोत्तरीका प्रहरी नायब उपरीक्षक केदार खनालले जानकारी दिनुभयो ।

करिब १५ जना डाँकाले स्थानीय धरोहीदेवी यादवलाई भाला प्रहार गरी घाइते तुल्याउनाका साथै करिब रु पाँच लाख बराबरको धनमाल लुटेर लगेको प्रहरीले जनाएको छ ।