वीरगञ्जका सञ्चार उद्यमी गुप्ताको विहारमा हत्या

२३ असार, काठमाडौं ।

 वीरगञ्जका सञ्चार उद्यमी सन्तोषकुमार गुप्ताको भारतको बिहारमा हत्या भएको छ । रेडियो विन्दासका स्टेशन म्यानेजर गुप्ताको शव शनिबार बिहारमा मोतिहारी जिल्लाको ढाका थाना अन्तरगतको चिरइया भन्ने स्थानमा सडकमा भेटिएको हो ।

उनको शव रक्सौल लैजाने तयारी भइरहेको छ । गुप्ता भारतको रक्सोलका स्थानीयबासी हुन् । उनको हत्यामा संलग्न रहेको आशंकामा मोतिहारी प्रहरीले पिन्टु राय र माधव सिंहलाई पक्राउ गरेको छ ।

रेडियो विन्दासका अनुसार शुक्रबार अज्ञात व्यक्तिले विज्ञानबारे कुरा गर्न बोलाएपछि गुप्ता विहार जानु भएको थियो । रेडियो विन्दास ९४.८ मोगाहर्ज करिव ४ महिना अघि मात्र सञ्चालनमा आएको हो ।