सूचना दिन बन्देज लगाउनु सरकारको कमजोरी : देउवा

१५ माघ, चितवन । नेपाली काँग्रेसका वरिष्ठ नेता शेरबहादुर देउवाले सरकारले सूचना दिन बन्देज लगाउनु सरकारको कमजोरी भएको वताउनु भएको छ । चितवनको भरतपुर विमानस्थलमा आइतवार सञ्चारकर्मीसँग संक्षिप्त कुराकानी गर्दै नेता देउवाले यस्तो वताउनु भएको हो ।

सुरक्षामा खलल पुर्‍याउने र अन्तर्राष्ट्रिय सम्बन्ध बिथोल्ने खालका सूचना दिन बन्देज गर्नु सकारात्मक भए पनि अन्य सूचनामा बन्देज लगाउनु सरकारको कमजोरी रहेको उहाँको भनाइ थियो । केही दिनअघि मात्रै सरकारले विभिन्न सूचना गोप्य  राख्न मातहतका निकायलाई निर्देशन दिएको थियो ।

उहाँले अहिलेका ७५ वटै जिल्लालाई राज्य बनाउनुपर्ने आफ्नो अभिव्यक्ति निजी भएको भन्दै बनेको संरचना बिगार्न नहुने वताउनु भयो ।रासस