१६ माघ, गुल्मी ।
एकीकृत नेकपा माओवादीका पोलिट्ब्युरो सदस्य हेमन्तप्रकाश ओलीले माओवादी जनसत्ताले सशस्त्र द्वन्द्वका क्रममा गरेको घरजग्गासम्बन्धी लिखतलाई मान्यता दिने निर्णयबाट पार्टी र सरकार पछि नहट्ने बताउनुभएको छ ।
क्रान्तिकारी पत्रकार संघ गुल्मीले आज तम्घासमा गरेको पत्रकार भेटघाटमा ओलीले जनसत्ताले गरेको घरजग्गा किनबेच, अंशबण्डा तथा बकसपत्रलाई मान्यता दिनु विस्तृत शान्ति सम्झौता र अन्तरिम संविधानविपरीत नहुने दाबी गर्नुभयो । १२ बुँदे समझदारीमा उल्लेख भएअनुसारै द्वैध सत्ताको अवस्था अन्त्यका लागि सरकारले उक्त निर्णय गरेकाले प्रतिपक्षीले त्यसको विरोध गर्नुको कुनै तुक नरहेको जिकिर गर्नुभयो ।
प्रधानमन्त्री बाबुराम भट्टराईले पार्टीमा सल्लाह गरेरै सो निर्णय गरेकाले पाटींभित्र निर्णयका विषयमा कसैको फरकमत वा असहमति नरहेको ओलीले दाबी गर्नुभयो । नेता ओलीले घरजग्ग्ााको विषयलाई अनावश्यक रुपमा चर्काएर काँग्रेस-एमाले शान्ति र संविधान लेखन प्रक्रियामा भाँजो हाल्न उद्धत रहेको आरोप लगाउनुभयो ।
No comments:
Post a Comment