सूचना लुकाउने निर्णयविरुद्ध पत्रकार महासंघ आन्दोलित

१६ माघ, काठमाडौं ।

 सूचना वर्गीकरण गरी गोप्य राख्ने सरकारी निर्णय खारेजको माग गर्दै नेपाल पत्रकार महासंघले आन्दोलनको कार्यक्रम घोषणा गरेको छ । महासंघको सोमबार बसेको बैठकले सरकारको कदम अधिनायकवादी सोच भएको ठहर गर्दै आन्दोलनको कार्यक्रम घोषणा गरेको हो ।

महासंघका सचिव जगत नेपालले अनलाइनखबरसँग भन्नुभयो-’सूचना लुकाउने सरकारको कदम लोकतन्त्रलाई सुहाउने कुरा होइन । यो सरकारको अधिनायवादी सोच हो भन्ने महासंघको निष्कर्ष छ ।’

घोषित कार्यक्रम अनुसार भोलि दिउँसो ३ बजे सडक विभाग बबलमहल अगाडी कालो व्यानर प्रदर्शन गरिने छ । यस्तै महासंघका शाखाहरुले आफ्नो अनुकुल समय अनुसार भोलि र पर्सी देशभर प्रर्दशन गर्नेछ । सरकारले हालै मात्र सूचनाको बर्गीकरण गरि १ सय ४० प्रकारका सूचना गोप्य राख्न सरकारी कार्यालयहरुलाई निर्देशन दिएको थियो ।