१५ पुस, काठमाडौं ।
प्रधानमन्त्री डा. बाबुराम भट्टराईले शान्ति र संविधान निर्माण प्रक्रिया पछाडी नर्फकने बताउनु भएको छ ।
तमु ल्होछारको अबसरमा शुक्रबार टुँडेखेलमा आयोजित कार्यक्रममा प्रधानमन्त्री डा. भट्टराईले भन्नुभयो-’लामो समयदेखि अवरुद्ध शान्ति र संविधान निर्माणको काम यो सरकार बने पछि तीव्र गतिमा अगाडि बढेको छ । अव यो पछाडि फर्किदैन र यथा समयमा यही सरकारले उक्त कार्य एउटा निश्चित गन्तव्यमा पुर्याउँछ ।’
शान्ति र संविधानको विकल्प नभएको भन्दै निर्धारित समयमै पूरा गरिछाड्ने दृढता व्यक्ति गर्नुभयो । उहाँले भन्नुभयो-’शान्ति र संविधान निर्माणको काममा कहिले तीव्रता र कहिले मन्दी देखिन सक्छ तर त्यो निर्धारित समयमै पूरा भै छाड्नेछ । त्यसका अव अरु कुनै विकल्प छैन ।’
उहाँले अब बन्ने संविधानमा पहिचान र स्वायत्तता सहितको संघीय राज्य निर्माण गरिने बताउनु भयो । प्रधानमन्त्री डा. बाबुराम भट्टराईले सरकारले छिट्टै सुशासनको विशेष कार्यक्रम ल्याउने जानकारी दिनुभयो ।
No comments:
Post a Comment