मोटरसाइकलको ठक्करबाट एकको मृत्यु

१० मङ्सिर, विराटनगर ।

 मोरङको दुलारी गाविस-१ स्थित राजमार्गमा गएराति मोटरसाइकलको ठक्करबाट एकजनाको मृत्यु भएको छ ।

मृत्यु हुनेमा टि्रपर चालक धादिङ नौविसे-१ का २५ वर्षीय विनोद लामा रहेको मोरङ प्रहरीले जनाएको छ । पश्चिम जाँदै गरेको ना ३ ख ७०४२ नम्बरको टि्रपरबाट सिण्डीकेटलाई पैसा बुझाउन ओर्लने क्रमम राति ११ बजेको समयमा लामालाई मोटरसाइकलले ठक्कर दिएको हो । ठक्करबाट गम्भीर घाइते भएका उनको विराटनगरस्थित न्यूरो अस्पतालमा उपचार हुँदै गर्दा मृत्यु भएको प्रहरीले जनाएको छ । मोटरसाइकल चालक भने मोटरसाइकल छोडर फरार भएका छन् ।