जिप दुर्घटनामा दुईको मृत्यु, एक गम्भीर घाइते

१७ माघ, डडेल्धुरा ।

 भीमदत्त राजमार्गअन्तर्गत डोटीको रुपसकाडा भन्ने स्थानमा मंगलबार बिहान जिप दुर्घटना हुँदा दुईजनाको मृत्यु भएको छ भने अर्का एक घाइते भएका छ ।

दार्चुलाबाट धनगढीतर्फ गइरहेको ना१च ७०३८ नम्बरको जिप दुर्घटना हुँदा हेटौँडा घर भएका २६ वर्षीय चालक रमेश चौलागाइर्ं र राजस्थान भारतका २७ वर्षीय राजेशकुमारको घटनास्थलमै मृत्यु भएको प्रहरीले जनाएको छ । जिपमा सवार अर्का भारतमै घर भएका प्रदीपकुमार गम्भीर घाइते भएका छन् ।

उनको कैलालीस्थित पद्मा अस्पतालमा उपचार भइरहेको छ । तीनैजना एनसेल टावर निर्माण कार्य गर्ने मजदुर भएका प्रहरीले जनाएको छ । जिप बिहान करिब ४ बजेतिर सडकबाट ९०० मिटर तल खसेको थियो ।