१२ माघ, काठमाडौं ।
१३ विद्यार्थी संगठनले पेट्रोलियम पदार्थमा भएको मूल्यबृद्धि पूर्ण रुपमा फिर्ता नभएसम्म आन्दोलन जारी राख्ने भएका छन् । सत्तारुढ माओवादीसम्वद्ध अखिल क्रान्तिकारीसहित १३ विद्यार्थी संगठनको बिहीबार बसेको बैठकले बैठकले सरकारले केही घटाएको मूल्य स्वीकार्य नभएको निष्कर्ष निकाल्दै वार्ता र आन्दोलनलाई एकसाथै लैजाने निर्णय गरेको हो ।
आपूर्ति मन्त्रालयले खाना पकाउने एलपी ग्याँसमा प्रति सिलिण्डर ८५, डिजेल र मट्टतिेल प्रतिलिटरमा ४/४ रुपैयाँ र पेट्रोलमा प्रतिलिटर ३ रुपैयाँ घटाएको छ ।
बैठकले भोलिबाट शहरहरुमा सरकारी गाडी गुड्न नदिनेसहितको आन्दोलनका कार्यक्रम घोषणा गरेको छ । घोषित कार्यक्रम अनुसार भोलि देशभरका क्यापस अगाडी प्रदर्शन गरिनेछ भने भोलिबाट अनिश्चितकासम्म शहरहरुमा सरकारी गाडी गुड्न नदिने क्रान्तिकारीका उपाध्यक्ष जागि्रत रायमाझीले जानकारी दिनुभयो ।
यस्तै पर्सी देशभरी नै अन्तरक्रिया गर्ने र साँझ सिट्टी जुलुस निकाल्ने र १५ गते देशभरी नै विरोध सभा गर्ने छ । सरकार र विद्यार्थीहरुबीच वार्ता केहीबेरमा हुँदैछ ।
No comments:
Post a Comment